من نحن

Dev Flow استوديو صغير بالحلة. نشتغل من 2017، بدينا بالتصميم، وهسه نبني مواقع وأنظمة وتطبيقات وندير إعلانات لعملاء بكل العراق وبرّه.

القصة باختصار

بدينا بتصميم السوشيال ميديا والهويات، وبعدها لاحظنا إن أغلب عملائنا يحتاجون أكثر من بوست: يحتاجون موقع ونظام يرتب شغلهم، وإعلان يجيب طلبات.

فصرنا نسويها كلها. التصميم والبرمجة والإعلان بإيد وحدة، فما تحتاج تنسق بين كذا جهة.

اليوم عندنا تطبيق منشور على Google Play و App Store، وأنظمة SaaS شغّالة، ومواقع لشركات استيراد ومقاولات وطاقة شمسية.

التصميم الحلو مهم، بس اللي نقيسه: كم زبون جاب، وكم وكت وفّر.

عرض مكتوب قبل ما نبدي، ورابط تجريبي تتابع عليه التقدم كل أسبوع.

بعد التسليم نبقى على تواصل للدعم والتعديلات والإعلانات.

راسلنا على واتساب ونرد عليك بنفس اليوم.